Social media a lawmpuitu ngah MLA thar Dr Thangtea

by News Editor

Tualchhung News

ZORAM TODAY| 15th November, 2025: Dr. R Lalthangliana, MNF Sr. Vice President chu Dampa bial MLA atana thlan tlin thar anih hnu ah lawmpuitu social media lamah a ngah hle. November ni 18, 2025 hian Assembly Speaker Lalbiakzama’n rinawmna thutiam tirin MLA atan lakluh a ni ang.

Dr. R Lalthangliana hian a facebook page ah nimina thlan tlin a nih hlim khan, “LALPA kan lawm e” tih a post a, vawiin thlengin lawmpuina comment sanghnih chuang leh like pe tu singkhat sangthum chuang a nei tawh a, hei hi tunhnaia Mizo politician facebook thu post ngaihven hlawh ber pawl a ni ang. A mimal facebook page bakah mi hrang hrangin social media ah lawmpuina thu an ziak hlawm bawk.

November ni 18, 2025 Thawhlehni chawhma dar 11:00 hian Assembly Conference Hall ah rinawmna thutiam tirin MLA atan lakluh a ni dawn.

MNF party chuan November ni 17, 2025 Thawhṭan chhun dar 12:00 hian Aizawl-a Vanapa Hall ah an Senior Vice President Dampa bial bye- electiona thlan tlin a nih Pathian hnena lawmthu sawina hun hman an tum a, heta tel tur hian Aizawl khawpui chhunga MNF worker te sawmna an siam.